Fraga homenacheau con polemica por o congreso espanyol

ICV-IU, Compromiso, ERC, PNB, Amaiur, Geroa Bai, BNG y CHA abandonón ahiere l'hemiciclo.

Manuel Fraga Iribarne (Foto: Biquipedia)

Seguntes publica o diario catalán Vilaweb, os partius d’o congreso espanyol, Compromiso, ICV-IU, ERC, Amaiur, PNB, Geroa Bai, BNG y CHA, abandonón ahiere l’hemiciclo antis que o president d’a camera, Jesús Mesa, empecipiase as parolas d’homenache d’o PP y o PSOE a Manuel Fraga, l’ex-ministro de Francisco Franco. En cambeo, CiU decidió remanir en l’hemiciclo y os suyos deputaus no aplaudioron.

A mayoría d’os deputaus d’istas formacions ya heban anunciau a suya decisión de marchar d’a camera ta no fer parte d’un acto d’homenache a un responsable directo d’a dictadura franquista. En cambeo, o PP y o PSOE facioron un largo aplauso dedicau a Fraga en o primer plen ordinario d’o congreso constituiu dimpués d’as eslecions espanyolas d’o noviembre pasau.

Fuent: http://www.vilaweb.cat/noticia/3981616/20120208/fraga-homenatjat-polemica-congres-espanyol.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.