Francia deixará de fer servir o termino ‘mademoiselle’ en os papers oficials

Tamién desapareixerán as caixetas de 'apelliu de soltera' y 'apelliu de casada'

Stand de Osez le feminisme (Foto: Parti Socialiste)

Stand de Osez le feminisme (Foto: Parti Socialiste)

O gubierno francés ha decidiu de fer desapareixer o termino ‘mademoiselle’ en os formularios oficials, en una circular. En os nuevos papers nomás se podrá leyer madame como equivalent femenino de monsieur. Tamién deixarán d’estar-ie os terminos ‘apelliu de soltera’ y ‘apelliu de casada’, que nomás apareixeban t’as mullers. Dende agora serán sustituyius por ‘apelliu de familia’ y ‘apelliu de cutio’.

Istas midas se prenen dimpués de campanyas de organizacions feministas como Osez le féminisme (Gosatz con o feminismo) y Chiennes de garde (Canyas de guardia) que prencipioron o pasau setiembre. As dos organizacions creyen que ixa caixeta iba contra a privacidat d’a muller y heban remerau que en atros puestos como Alemania, Dinamarca u Portugal ya s’heba preso ista mida. Tamién convidoron a las interpresas privadas a fer lo mesmo que o gubierno.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.