“Gabo”, Gabriel García Márquez nos deixa a os 87 anyos

O escritor colombiano fue Premio Nobel de Literatura en 1982 y o maximo exponent d'o realismo machico literario

Foto: José Lara (CC-BY-SA)

Foto: José Lara (CC-BY-SA)

O periodista y escritor colombiano Gabriel García Márquez, morió ahiere a os 87 anyos en a ciudat de Mexico DF debiu a una pneumonía. Naixiu en 1927 d’Aracataca, lugar que inspiró o suyo conoixiu y literario “Macondo“, puesto de qualques d’as suyas novelas, destaca o suyo Premio Nobel de Literatura en 1982.

Conoixiu como “Gabo”, o escritor latinoamericano ye o maximo representant d’o realismo machico, un d’os movimientos mas destacaus d’a literatura latinoamericana con novelas como “Cien años de soledad” u “Crónica de una muerte anunciada“. Tamién cal destacar novelas como “Memorias de mis putas tristes“, “El coronel no tiene quien le escriba“, “El amor en los tiempos del cólera” u a suya autobiografía “Vivir para contarla“, entre atras.

Con “Cien años de soledad” (1967), alcanzó un d’os puestos mas destacaus en a literatura universal, levando-le a ganar o Premio Nobel en 1982. A obra estió traducida a 35 idiomas con mas de 30 millons d’eixemplars vendius.

O escritor recibió diversos galardons como a Lechión d’Honor francesa, a Orden del Águila Azteca mexicana u a Gran Cruz con placa d’oro d’o Congreso de Colombia.

Manimenos “Gabo” no nomás escribió novelas, tamién s’adedicó a o periodismo, como corresponsal pa lo diario parisino “El espectador” u escribindo cronicas y reportaches como o realizau a o president venezolano Hugo Chávez.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.