Gallardón diz que a investigación de Bankia se levará t’o parlamento espanyol ‘en o momento oportuno’

O ministro de Chusticia opina que no corresponde a o guberno ubrir-ne una

Alberto Pérez Gallardón

O ministro de Chusticia espanyol, Alberto Ruiz-Gallardón, ha dito que a investigación sobre a chestión de Bankia se levará t’o parlamento ‘quan siga oportuno’. Ha adhibiu, en una entrevista a la Ser, que no corresponde a o gubierno prener a iniciativa ta ubrir una investigación, pero que nunca no’n estorbará denguna: ‘A Fiscalia tien ubiertos procedimentos contra chestors de caixas d’estalbios y l’executivo no ha adoptau garra iniciativa en contra’, ha chustificau. Ta Gallardón, o gubierno busca a transparencia y ha asegurau que i habrá ‘información absolutament de tot’ porqué ‘i hai una subcomisión d’investigación y si se quieren demandar explicacions, en tendran d’o gubernador d’o Banco d’Espanya, d’o ministro, d’os responsables de Bankia y de l’anterior titular d’Economia, Elena Salgado’.

‘En un estau de dreito, siempre que i hai a mas minima aparición d’una conducta irregular, se produce una investigación, pero o que me pareixe mal ye ubrir un debat politico sobre si s’ubre una investigación u no, como si estase responsabilidat de l’executivo.’

Manimenos, creye que agora mesmo ye prioritario recuperar a confianza en Bankia y refirmar a credibilidat d’o sistema financero: ‘Cal saber manullar os tiempos pensando en o millor ta Espanya.’

Fuent: http://www.vilaweb.cat/noticia/4014998/20120527/gallardon-diu-investigacio-bankia-portara-parlament-espanyol-moment-oportu.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.