Gambadas en bici baixo a luz d’a luna plena

O Colectivo Pedalea convoca iste chueves a fer una gambada en bici aproveitando a luna plena y o buen orache

Iste chueves una colla de ciclistas saldrá a fer una gambada muit especial. Será baixo a luz d’a luna plena que iluminará a nueit unatro mes mas. A bicigambada lunar tornará a surcar as carreras y extrarradio de Zaragoza convocada por o Colectivo Pedalea. Iste acto ya se fació o mes pasau en iste anyo, a on una trentena de personas i acudió baixo una luna plena timida que a la fin decició de salir ta goyo d’as presents. En iste caso, se’n fue t’os arredols de Cadrete.

A ideya surtió l’anyo pasau entre o Colectivo Pedalea y Decrecimiento Aragón, como una traza de denunciar l’exceso de luz en as ciudatz y o malfurrie de diners y enerchía que ixo prevoca, amás de fer una agradable gambada de nueitz pedaleyando con, a estar posible, a unica iluminación d’a luz d’a luna. Entre os recorrius feitos, mientres o buen orache, se cuentan os galachos de Chuslivol, a Canal Imperial d’Aragón u o galacho de l’Alfranca. Siempre son recorrius periurbanos, ta aleixar-se prou d’as luces d’a ciudat y poder disfrutar d’o cielo nocturno.

Atra d’as caracteristicas d’istas convocatorias ye que se i leva cena (y si se quiere bebida) ta compartir. Alto u baixo a hora de regreso ye a meyanueit, encara que cada persona puede tornar quan quiera. Iste mes a hora y puesto de quedada será a 21:30 h. en a Pza. Europa de Zaragoza. Ye una convocatoria ubierta a todas as personas. Iste mes tamién i habrá atra luna plena, o viernes 31 d’agosto, diya que tamién se ferá a bicigambada.

8 Rispuestas a Gambadas en bici baixo a luz d’a luna plena

  1. Estei que el termino “gambada” no ye el més encertau. Perque impllica l’empllego de las camas al despllaçamiento.

    • Ye cierto l’orichen, y igual l’autor podría haber-ne trigau unatra, pero tampoco no ye tant esbarrada ixa extensión semantica. A la fin, en a bici, tamién s’emplegan as camas u garras, no?
      Para cuenta que pasiar tamién viene de ‘paso’, y podemos decir fer un paseyo en bici sin fer propiament ‘pasos’.

      • Ben cierto, ya te me lo pensava… pero en istos casos cal mirar-se las altras lluengas romanicas…
        “fer un paseyo en biciclleta pel paseu maritimo” p.e.

  2. Pingback: BICIPASEO BAJO LA LUZ DE LA LUNA. JUEVES 2 DE AGOSTO |

  3. Pingback: Gambadas en bici baixo a luz d’a luna plena | AraInfo | Achencia de Noticias d´Aragón

  4. Quiesto Chuan puestar que tiengas razón en a primera parte d’o tuyo comentario pero de la segunda parte no entiendo ni brenca ni meya. Desincusa pero…¿tu levas una cama con tu cada vegada que fas una gambadeta??

  5. por un futuro...

    maiveral, CAMA en patués ye, como en o catalán, lo que en a mayoría d’as “modalidatz linguisticas d’Aragón” s’entiende como GARRA.
    Besicos pa DoloreSerrat&Cia!

  6. Muitas gracias, no sabeba… intresan parola y yo fendo l’ababol :)))

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.