‘Ganemos’ prencipia a pillar fuerza en Aragón

Uesca, Teruel y Alcanyiz prencipian a construir os suyos 'Ganemos' t'as municipals de mayo.

Imachen d'una d'as asambleyas feitas en Uesca. (Foto: Redondo de confusión)

Imachen d’una d’as asambleyas feitas en Uesca. (Foto: Redondo de Confusión)

Vecins y vecinas de Uesca, Alcanyiz y Teruel han encetau istes días a construcción de plataformas ciudadanas ta mirar-se d’organizar candidaturas electorals a os suyos respectivos concellos en as eslecions d’o mayo proximo.

En Teruel, un centenar de personas se troboron iste chueves en respuesta a o colectivo Ciudadans por a Unidat d’a Cucha, dimpués d’un treballo de meses ta aconseguir a confluyencia electoral entre as fuerzas politicas alternativas a o PSOE.

Igual como en Teruel, o martes se celebró en a capital oscense l’asambleya de Ganemos Uesca con l’asistencia de mas de meyo centenar de personas, entre as qualas se trobaban militants de diversos partius de cucha a titol personal.

As tres capitals aragonesas y Alcanyiz, s’unen asinas a o movimiento ciudadano que se ye implantando en muitas atras ciudatz ta aconseguir candidaturas basadas en a participación ciudadana a traviés de colectivos y movimientos socials.

As tres plataformas son en as primeras fases de funcionamiento y precisarán de semanas antes d’aconseguir una minima estructura organizativa. En prencipio, a suya actividat se basa en a creyación de collas de treballo especificas ta abordar os diferents quefers y afers, como son o programa, comunicación, candidaturas, etc.

O pasau martes, Ganemos Zaragoza celebró una asambleya, considerada como o punto de partida d’a plataforma, en a que s’aprebó un primer documento con os puntos basicos d’a futura candidatura y un esbozo d’a suya fuella de ruta t’as proximas semanas. Amás, a promotora ciudadana de Zaragoza ha ubierto una cuenta de Twitter (@GanemosZgz_ara) dende a que proporcionará toda la suya información en l’idioma aragonés.

Fuent: http://arainfo.org/2014/09/uesca-y-teruel-empiezan-construir-sus-ganemos-para-las-municipales-de-mayo/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.