Ganemos Zaragoza con l’aragonés

Dos d'os quatre voceros d'a organización son aragonesofablants

Marco, Lucía, Amparo y Alfonso, voceros de Ganemos, ahiere en a presientación. (Foto: Marisol Arqued)

Marco, Lucía, Amparo y Alfonso, voceros de Ganemos, ahiere en a presientación. (Foto: Marisol Arqued)

“Ganar o concello de Zaragoza ta toda la chent que habita en a ciudat” ye a ideya clau d’a iniciativa Ganemos Zaragoza, que ahiere se presientó publicament en l’Edificio Seminario d’a capital aragonesa, “Ganemos Zaragoza ye un prochecto y un proceso horizontal, dende abaixo, que busca confluir en una mayoría social que torne a ciudat t’a chent”. En l’acto se dioron a conoixer os quatre voceros d’a organización, esleichius por mayoría en l’asambleya d’o 22 de setiembre: Amparo Bella, Alfonso Alegre, Marco A. Jóven y Lucía López, os dos zagueros fablants d’aragonés y firmes defensors d’a normalización d’a luenga, prencipioron l’acto saludando en aragonés.

Ganemos Zaragoza pretende rematar con “a viella politica enfilada por os poders financiers, movida por a corrupción, l’enganyo y l’angrucia, que ha contrimostrau estar una fricasera t’a mayoría y beneficiosa nomás ta bellas elites que continan enriquindo-se con a crisi”. Por ixo luitan por una “chestión publica honesta, transparent y responsable: ha plegau l’inte de reapropiar-nos d’a chestión d’os nuestros afers”.

En iste prochecto bi ha personas de diferents movimientos socials y vecinals, bi ha chent de partius y ciudadans que quasi no han participau en politica. En os meses venients celebrarán asambleyas en os diferents vicos ta recullir opinions y sucherencias con as que plenar o programa. Quieren que a politica municipal no se decida en os estudietz, sino que as midas que adopte o Concello sigan as que decidan os vecins y vecinas a traviés de nuevos mecanismos de participación democratica.

D’atra man, Ganemos Zaragoza tien una pachina web bilingüe aragonés/castellano, an que se puede sinyar o suyo Clamamiento en ista luenga minorizada. Tamién tienen un twitter oficial en aragonés (@GanemosZgz_ara).

4 Rispuestas a Ganemos Zaragoza con l’aragonés

  1. Pingback: Ganemos Zaragoza con el aragonés [arg]

  2. Me hacen gracia esta gente que se autoerige en representantes y defensores del aragonés, y sin embargo, no tienen ninguna intención de ir a trabajar y vivir en las zonas donde se habla. Por otro lado, no sé porque Ganemos Zaragoza no está en catalán de Aragón. Si nos ponemos, nos ponemos con todas nuestras lenguas, ¿no?

    • Ala canso, que sí, que ya sabemos… que nomás tu sabes o que cal fer y nomás tu fas bien as cosas (qué decepción). Ya que no das nunca o tuyo nombre verdadero, podrías a lo menos usar siempre o mesmo nombre falso?.

  3. Pues igual de cansos que vosotros, que sois cuatro y dais un mal que para qué apropiándoos de lo que no es vuestro. Lo de trabajar en las zonas históricas, las narices, que vivir en un pueblo no mola. 🙂

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.