Gimeno le mete calendata a o presupuesto de Zaragoza ta 2013: o 12 de marzo

Igual que sucedese en l'exercicio anterior, a capital aragonesa s'ha adentrau en o nuevo anyo sin as suyas cuentas aprebadas, que exichen unas duras negociacions entres o PSOE y IU y CHA

Gimeno_durante_el_pleno_48234Fernando Gimeno, vicealcalde de Zaragoza, ya ha meso calendata ta dar luz verda -igual que l’anyo pasau, con una mica de retardo- a os presupuestos municipals de 2013, que se troban en proceso d’elaboración y que siempre implican duras negociacions d’o PSOE con IU y CHA ta obtener una mayoría que les permita quitar entabant as cuentas. Seguntes Gimeno, o 12 de marzo podría quedar tot solucionau dimpués d’un pleno extraordinario que se convocaría expresament ta dar l’aprebau definitivo a os numers.

En o camín escrutau por Gimeno amaneixen atras dos calendatas: o 12 de febrero, día en o que se pretende tener aprebau o presupuesto t’as sociedatz municipals y o 13 d’ixe mesmo mes, chornada fixada ta aprebar o prochecto de presupuestos por parte d’o Gubierno d’a ciudat. Con dita aprobación s’ubriría l’exichiu periodo de comparecencias d’os distintos consellers municipals, en as que se detallan os gastos y os ingresos d’os suyos departamentos.

Una vegada que s’ha cumpliu con iste zaguer requisito legal, plegaría o turno d’as esmiendas como paso previo a l’aprobación definitiva. A tamás de que se le ha qüestionau sobre ixo, Gimeno s’ha negau por agora a ufrir a cifra de gasto que se manullará en os presupuestos, un dato que aportará  quan s’aprebe por parte d’o Gubierno de Zaragoza. Seguntes o propio vicealcalde, os numers darán prioridat “a las politicas socials que exichen un esfuerzo especial”, un compromís que asegura que podrá veyer-se refleixau en o documento.

Fuent: http://www.aragon2.net/n-20573-503-Gimeno_pone_fecha_presupuesto_Zaragoza_para_2013_12_marzo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.