Google trancará o suyo servicio Reader o venient 1 de chulio

Google ha trancau 70 funcions en as zaguers dos anyadas. Muitos internautas, carranyaus con a decisión

bannerO lector de RSS Google Reader trancará o venient 1 de chulio. Ista yera la noticia que muitos internautas se trobaban en enchegar una d’as aplicacions que muitas usuarias han feito servir mientres ueito anyadas. Encara que os usuarios de Google Reader yeran bien fidels, a ferramienta no en tien prous como ta que Google no la haiga incluyiu en a suya “limpieza de primavera“. En ista “limpieza”, tamién deixarán de funcionar atros servicios como Google Cloud Connect, Google’s Building Maker y Google Voice ta Balckberry.

Google Reader estió enguerau en l’anyada 2005 ta que os suyos usuarios tenesen acceso a un listau suyo de web favoritas que se actualizaba de contino meyant RSS. “Lanzemos Google Reader ta fer más facil a la chent descubrir y controlar as suya webs favoritas“, remeran dende Google”. “Os usuarios y desembolicador intresaus en alternativas RSS pueden exportar os suyos datos, incluyindo-ie as suscripcions, con Google Takeout, en os venient quatre meses”, aclarien.

En as zaguers dos anyadas son más de 70  las funcions que Google ha decidiu de trancar, pero talment ista yera una de las más emplegadas. Talment por ixo, a noticia no ha feito guaire buen prebo en o rete. Muitos d’os suyos usuarios se’n han queixau y ya bi ha decenas d’articlos mirando alternativas ta un servicio que pareix que sí que tien o suyo publico. Muitos internautas acusan tamién a Google de fer ista maniobra ta potenciar Google +, o suyo rete social, que por agora no mincha guaire mercau a la resta de retes socials más populars. Por que sí, Google Reader estió trending topic en conoixer-se a noticia.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.