Goya centra l’actividat en o Museu de Zaragoza

Mientres o mes, diferents actividatz espardirán a figura de Goya

Fabricación d'a polvora en a Sierra de Tardienta

Fabricación d’a polvora en a Sierra de Tardienta (Goya)

O Museu de Zaragoza centra la suya actividat mientres lo mes de mayo en a figura de Goya. A traviés de varias actividatz quiere fer conoixer a los suyos visitants a figura de l’artista de Fuendetotz. A la recient incorporación de dos obras “Cráneo de Goya” (1849) y “Busto de Goya” de Mariano Belliure, relacionadas con o pintor aragonés se i adhibe agora una programación de tallers, visitas guidadas y propuestas t’as familias.

O 4 y o 5 de mayo lo museu ha organizau qualques sesions de tallers – cuentacuentos endrezaus t’os más chicotz y t’as familias que servirán ta conoixer a vida y obra de Goya. Ye una actividat que ye incluyida en o cabo de semana tematico “Regala Goya”.

D’atra man, o 4 de mayo de 12:00 a 18:00, se ferá a visita guidada “Goya. Mito y leyenda arredol d’a suya muerte”, adedicada a un d’os episodios más extranyos relacionaus con a suya figura: o furto y desapareixer d’o suyo crapación d’o fosal suyo en Bordeus. A visita prene como punto de partida iste suceso ta fer un recorriu por as obras de Goya conservadas en o Museu de Zaragoza.

Antimás, o Museu de Zaragoza participa en “Conoix os museus y puestos de Goya“, a iniciativa de Fundación Goya. Ista propuesta pende en visitar, dende o 1 dica o 19 de mayo, o Museu de Zaragoza, o Museu Diocesano de Zaragoza, o Museu Ibercaja Camón Aznar y a Cartucha de Aula Dei. As cinco primers personas que chustifiquen a visita ta istos quatre espacios de Zaragoza, con o ticket de dentrada con a calendata correspondient, recibirán un lote de publicacions d’a Fundación Goya en Aragón, antimás d’atros titols relacionaus con a obra suya. Os quatre centros participants en l’actividat acullen parti important d’a obra d’o pintor aragonés y fan parti d’o patrimonio cultural de Zaragoza.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.