Graniza manifestación de CCOO y UGT por as carreras de Zaragoza ta rematar a vada cheneral

Anviesta d'a mani de CCOO y UGT en Zaragoza (Foto: @AlfonsoRomay)

Anviesta d'a mani de CCOO y UGT en Zaragoza (Foto: @AlfonsoRomay)

Entre 150.000 y 200.000 presonas siguioron a manifestación convocada por CCOO y UGT en Zaragoza ta rematar a chornada de vada cheneral. A manifestación prencipiaba con una gran pancarta con o lema “Quieren acabar con todo” dimpués d’a qual s’han situau totz dos secretarios chenerals d’UGT y CCOO en Aragón, Julián Lóriz y Julián Buey, respectivament. En una hora a manifestación fació o camín entre Plaza Paraíso y Plaza Europa. Lóriz, en declaracions previas a os periodistas, ha destacau as mobilizacions sin precedents en os zaguers anyos que s’han produciu en protesta por a reforma laboral, mientres que Buey ha feito un clamamiento a o Gubierno espanyol ta negociar os termins d’a reforma.

A manifestación ha trascurriu en un ambient festivo dimpués d’una chornada de movimiento sindical por as carreras, buen siguimiento en os sectors industrials, publicos y educativos y menos en o comercio, encara que o movimiento comercial en as ciudatz ha estau menor que un diya festivo.

Entre os asistents a la manifestación i heba responsables politicos en Aragón de IU, CHA y PSOE. A la fin d’a mobilización, que s’encetó a las 19.00 horas y que metió fin a la chornada de vada cheneral convocada por os sindicatos espanyols mayoritarios, os manifestants s’han disgregau de forma pacifica.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.