Grecia bosará nomás un 50% d’a deuda y condicions más duras ta os bancos

A cumbre europeya enampla o fundo de rescate europeyo dica o billón d'euros

O primer ministro polaco, Donald Tusk, besa la man de Angela Merkel

O primer ministro polaco, Donald Tusk, besa la man de Angela Merkel

As negociacions d’a cumbre (doble cumbre) d’ahiere en Bruselas entre os estaus y con a banca, han feito que Grecia, a la fin, nomás tienga que bosar a meitat d’a deuda soberana que arrociega. Merkel y Sarkozy estioron os encargaus de plegar a iste alcuerdo derivau d’a manca de posibilidatz d’os griegos de bosar tota la deuda. A cambeo, os griegos habrán de suportar a supervisión europeya sobre a suya economía y retalladas. También s’estendilla l’aplicación d’o rescate griego dica o 2014.

No estió l’unico alcuerdo d’a nueit d’ahiere mientres que a cumbre d’os 27 y d’os miembros d’a eurozona. Os bancos europeyos habran de recapitalizar-se. Nueu meses tendrán os bancos ta fer-lo, y o capital que habrán de guaranciar será d’o nueu por ciento. Se calcula que ixo suposa 108.000 millons d’euros. Ta fer-lo, habrán d’acudir a o mercau privau, no podrán deixar de prestar de diners y sobre tot,no podrán repartir dividendos entre os socios mientres que no pleguen a ixe menimo fixau.

Un terceno alcuerdo estió sobre o fundo de rescate ta las economías de l’euro. Ya plega a o billón d’euros, ixo sí, sin nuevas alportacions d’os estaus ni d’os bancos publicos europeyos. O fundo avalará as emisions de deuda soberana de Italia y Espanya y prebará d’acudir a mercaus como o chino ta colocar ixas deudas.

Entre as conclusions d’a cumbre europeya tamién se recomienda a Espanya continar con o programa de reformas, pero sin más retalladas, por l’inte. An que si se reclaman retalladas y reformas que encara son en debate, ye en Italia. L’alcuerdo d’o miercols en o gubierno italiano no basta. Pero la tensión en Italia ye maxima entre os socios d’o gubierno y con a resta de partius. En o parlamento italiano, mesmo se plego a las mans en un debate sobre as reformas economicas.

2 Rispuestas a Grecia bosará nomás un 50% d’a deuda y condicions más duras ta os bancos

  1. Suerte que lo fotero no facié la foto de Zapatero u d’o primer ministro griego u portugués, perque allora se veyerba como ye o culo, ixo que besan de Merkel.

    Anque siga un culo muito escoscau -de seguras que lo en ye- , estó que no serba una foto muit agradable.

  2. Culo infollable dixe lo carnuz de Berlusconi, iste sape de follar culos, no tiens mas que demanar a os italianos y a Rubi ixa u atras parellanas

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.