Grecia, entre o retalle y a fallita

A coalición de gubierno griega remata de maitinada y sin alcuerdo a reunión sobre o plan d'achustes.

Lucas Papademos (Foto: wikipedia)

Ista maitinada s’ha rematau con fracaso a reunión d’o primer ministro griego, Lucas Papademos, con as cabezas d’os tres partius que emparan en o gubierno ta zarrar un alcuerdo sobre o nuevo paquet de midas d’achuste imposau por a UE y o Fondo Monetario Internacional (FMI) a cambeo d’o segundo rescate. Seguntes ha explicau Papademos, a coalición no se mete d’alcuerdo en un d’os puntos d’o paquet, que qualques meyos griegos identifican en as pensións que s’han de retallar, y amenista consultar con os acreedors, Europa y o FMI, qualques detalles d’a operación.

O president d’o Eurogrupo, Jean-Claude Juncker, ha convocau ta hué de tardis una reunión extraordinaria de ministros d’Economía d’a eurozona ta charrar d’o segundo rescate de Grecia, que costará no menos de 130.000 millons d’euros, seguntes fuents europeas.

Tanto a Comisión Europea como Juncker mesmo heban deixau claro que no i habría reunión d’o Eurogrupo dica que Grecia no acceptase os nuevos retalles. Pero a reunión servirá ta mirar de desencallar a negociación con Grecia y privar a fallita d’a economía griega. D’atra man, o Banco Central Europeu (BCE), una d’as fuents de credito, tamién tractará d’o rescate griego hué en una reunión.

Fuent: http://www.vilaweb.cat/noticia/3982068/20120209/grecia-retallada-fallida.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.