Grecia esclata contra o plan d’austeridat

As midas d'o gubierno preban d'aconseguir que a Unión Europeya torne a fer un rescate ta la economía estatal griega

Os ciudadanos griegos han tornau ta la carrera a concarar o plan d’austeridat d’o suyo gubierno que responde a las menazas d’a Unión Europeya de no tornar a  fer un rescate d’a suya economía estatal. O plan d’austeridat ya ha estau aprebau por o Consello de Ministros y agora se debate en o Parlament, an que no ye clara a victoria d’o si, porque bi’n ha deputaus de totas as collas parlamentarias que han amostrau o suyo refús a las nuevas midas. O primer ministro griego ya ha dito que de no salir aprebau o plan, Grecia estaria debant d’a pior crisi dende l’anyo 74, y tamién ha afirmau que no aprebar istas midas seria levar o país enta o caos.

En a carrera, milentas de manifestants han bloqueyau as dentradas t’o parlament y a policía ha cargau y ha actuau con gases lacrimochenos, causando decenas de ferius. Os manifestants han concarau a policía con coctels molotov y piedras. Seguntes bells testigos, as cargas han prencipiau dimpués que a policía privés a dentrada a o cantant Mikis Theodorakis a o Parlament. Theodorakis refirma as protestas y ha prebau de dentrar-ie ta amostrar o suyo refús a las nuevas midas.

La nueva lei y plan d’austeridat ha provocau tamién a salida d’o gubierno de cinco ministros que no han quiesto refirmar as desichencias europeyas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.