Grecia no ratificará o TTIP, y n’empachará a entrada en funcionamiento

O gubierno de Syriza estudia de bloquiar-lo en o parlamento y vetar-lo en o Consello Europeu

Protesta contra o TTIP en Londres. Foto: World Developement Movement (CC-BY 2.0)

Protesta contra o TTIP en Londres. Foto: World Developement Movement (CC-BY 2.0)

Grecia no ratificará o Tractau de Libre Comercio entre a Unión Europea y os Estaus Unius, o TTIP, con o que en primeras no podría entrar en funcionamiento, a no estar que a Unión Europea trobe una traza de superar o veto griego. O nuevo ministro t’a reforma administrativa Georgios Katrougkalos l’ha anunciau a Euroactiv. Katrougkalos yera dica fa poco parlamentario europeu por Syriza y s’heba distinguiu por a suya oposición a o tractau. O gubierno griego, seguntes istas declaracions, sería disposau a fer servir tanto o bloqueu por o parlamento nacional como o veto dentro d’o Consello.

Una vegada o tractau haiga estau negociau de tot, probablement o proximo anyo, ta entrar en vigor amenistaría d’o voto unanime d’o Consello Europeu, an que son representaus totz os estaus. Katrougkalos se manifiesta muit critico con o Tractau sobre tot por qualques previsions que contiene que pueden interpretar-se como un reforzamiento d’as companyías multinacionals por alto d’o poder regulador d’os estaus.

Fuent: http://www.vilaweb.cat/noticia/4230139/20150204/grecia-ratificara-ttip-impedint-entrada-funcionament.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.