Grecia proposa un nuevo rescate de dos anyos y un plan ta reestructurar a deuda

O gubierno griego presienta una nueva propuesta de pacto a Bruselas quan quedan nomás horas ta que remate o plazo.

Alexis Tsipras. Foto: FrangiscoDer (CC-BY-SA 3.0)

Alexis Tsipras. Foto: FrangiscoDer (CC-BY-SA 3.0)

O gubierno griego ha proposau a la Unión Europea un nuevo rescate de dos anyadas a traviés d’o Fundo Europeu d’Estabilidat que permita cubrir as necesidatz financieras de Frecia. Antimás, l’executivo d’Alexis Tsipras quiere que se faiga un plan de reestructuración d’a deuda, seguntes ha explicau en un comunicau. A ufierta griega plega dimués d’os zaguers contactos entre a Comisión Europea y l’executivo de Tsipras, horas antes que remate l’actual rescate y que plegue o pago de 1.500 millons d’euros que Atenas ha de fer a lo Fundo Monetario Internacional. O gubierno de Syriza remarca que l’obchectivo suyo ye de “trobar una solución viable adintro de l’euro”.

En un comunicau, o gubierno griego asegura que dende o prencipio remarcó que o referendum “no ye a final, sino a continación d’as negociacions “ta conseguir un pacto millor t’o pueblo griego”. “O gubierno griego dica la fin, buscará un alcuerdo viable adintro de l’euro”, remarca l’executivo de Tsipras. A Comisión Europea y paises como Alemanya, Francia u Italia han avisau de que a consulta ye un “sí” u “no” a l’euro.

A propuesta presentada iste martes de tardes por Gracia no ye un eixample d’o rescate d’agora, sino que implica creyar-ne un nuevo, que esdevendría o tercer rescate griego. A diferencia, manimenos, ye que en iste caso se fería a traviés d’o recientement creyau fundo de rescate europeu, o Fundo Europeu d’Estabilidat, y no incluyiría a o FMI. Iste fundo, disenyau por a Eurozona precisament por a crisi d’a deuda, se fa servir ta concarar situacions problematicas d’os estaus miembros. L’obchectivo d’Atenas, antimás, sería que o programa d’o nuevo rescate se fese de traza paralela a un plan de reestructuración d’a suya deuda, que ya plega, quasi, a lo 180%.

Fuent: http://www.vilaweb.cat/noticia/4409691/20150630/grecia-proposa-rescat-dos-anys-pla-reestructurar-deute.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.