Grecia se queda sin televisión y radio publicas

ERT ha deixau d'emitir ista nueit por orden d'o gubierno griego, en cumplimiento d'o plan imposau por a troika

tv greciaA televisión y a radio publicas de Grecia (ERT) han deixau d’emitir ista medianueit, dimpués de setanta y cinco anyos. L’heba anunciau pocas horas antes o gubierno, aducindo o cumplimiento d’o plan d’austeridat imposau por a troika comunitaria. A decisión levantó una fuerte protesta: os treballadors se zarroron, mientres se reuniban mils de manifestants en a carrera, debant de l’edificio.

‘ERT ye un caso caracteristico d’opacidat y gasto desenfrenau. Y isto se remata hue’, anunciaba ahiere o portavoz d’o gubierno griego, Simos Kedikoglou, en un mensache televisau. ‘O gubierno ha decidiu de trancar ERT. En substitución, emitirá una televisión y una radio mas modernas que empecipiarán a operar quanto antes millor.’

En l’ente publico i hai 2.800 treballadors. Encara no se sabe si o gubierno los ferá fuera a totz y achustará nuevos treballadors u si en ferá fuera a una parte.

D’ista traza, o gubierno cumple un d’os requisitos imposaus por a troika, que no permitió a Grecia que vendese gas en Rusia pero que le obliga a fer fuera a 2.000 funcionarios antes que no remate l’anyo y 15.000 mas mientres 2014.

O partiu Cucha Democratica, que forma parte d’a coalición de gubierno, ya ha dito que considera inconcebible que Grecia no tienga una televisión y una radio publicas.

Fuent: http://www.vilaweb.cat/noticia/4124242/20130612/grecia-queda-sense-televisio-radio-publiques.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.