Griegos, quasi isolau por a nieu

A sacanieus ye en Guadalaviar y qui la aduga en Albarrazín

Anvista de Griegos (Foto: Wikipedia)

Anvista de Griegos (Foto: Wikipedia)

O lugar de Griegos, en a Sierra d’Albarrazín, quedó ahiere quasi isolau como yera de preixinar en viyer a nevada que yera cayendo. A 1600 metros d’altaria, a nevada d’ahiere deixó más de metro y meyo de nieu en bells puestos.

O lugar tien una sacanieus pero, como l’alcalde denuncia, ista se troba en Guadalaviar y antimás qui la aduga, vive en Albarrazín. Por ixo, l’alcalde Jose Luis Chavarrías ya avisó fa diyas de que, en caso de que bi hese nieu, una sacanieus habría de fer-le tranya a l’adugador d’a suya sacanieus. Ahiere, se sacó a nieu d’a carretera que baixa t’Albarrazín, pero no pas d’a que va ta Oriuela, a on que son as fabricas de fusta a on que treballan muitas d’as familias de Griegos.

Bells ciudadans, habioron de fer servir os suyos propios vehiclos tot-terreno ta poder quitar atros autos que s’heban quedau entrascaus en as carreteras d’a redolada.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.