Grisen enguera as instalacions de l’Agrupación de bombers voluntarios

O president d'a DPZ ha feito a debantadera d'o nuevo espacio y de l'equipo alportau por a entidat.

Autoridatz y bombers (Foto: DPZ)
Autoridatz y bombers (Foto: DPZ)

Luis María Beamonte, president d’a Diputación Provincial de Zaragoza estió ahiere l’encargau de fer a debantadera d’as nuevas instalacions que tendrán l’agrupación de bombers voluntarios en a localidat riberana de Grisen. Antimás d’una nau, de más de 100 metros cuadraus a DPZ contribuye con l’alportación d’equipos como un todoterreno ta carriar o carro motobomba u equipos de comunicacions.

L’alcalde de Grisén, Juan Santos Millán, ha agraceixiu a la Diputación que haigan feito ixe poder economico y a suya colaboración. ‘A nuestra redolada ye más que más agricola y ye sufrindo una preocupant sequera, asinas que iste servicio cale más que no nunca’, ha declarau.

L’Agrupación de Bombers voluntarios de Grisén se creyó en 1990 en sinyar un alcuerdo de colaboración a DPZ y Opel. Agora memos, en Grisén i colaboran bells vinte voluntarios entre os que bi ha quatre bobers en activo dende que se fundó l’agrupación y seis conductors de cambions.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.