Grossomodo presenta o suyo nuevo videoclip o 16 de marzo

O nuevo disco de Grossomodo, Inocentes, ya tien un nuevo videoclip que se presentará en sociedat o 16 de marzo. Grossomodo ye una colla de hip hop aragonesa formada por Xtragos y Hacheka. Iste nuevo videoclip, Ultraboombap, ye 100% cinematografico y ha estau producido por 5 y Acción. En ell, Grossomodo preban de pervivir en una ciudat en a que mandan os zombies. En o videoclip amaneixen quasi 100 extras y tien uns exteriors muit cudiaus y una gran calidat d’imachen gracias a Universal Travellers Video, que n’han participau.

O videoclip se presenta oficialment o 16 de marzo, en primeras en a las 20 horadas en Ibercaja Zemtrum, en a zaragozana Plaza d’os Sitios, y dimpués en un concierto en a sala Arena Rock d’a Plaza Utrillas tamién de Zaragoza. 5 y Acción ye una Asociación de chovens reyalizadors que naixió en 2011 y en que forman parte Joshua Gracia, Javier Rivas, Laura Campos, Alfonso Viartola y Diego Cuadrado, y cuentan con 30 videos de producción propia, entre os quals destacan videoclips de Sharif u a promo d’o concierto 3D que fació Violadores del Verso.

Fuent: http://www.asociacion5yaccion.tk/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.