GSS anuncia que creyará 150 puestos de treballo en Calatayut dende setiembre

O Concello destinará 300.000 euros a equipar a nau en a quala se localizará a interpresa telefonica

Foto: Alistair young (http://www.flickr.com/people/15192926@N00)(CC BY 2.0)

Foto: Alistair young (http://www.flickr.com/people/15192926@N00) (CC BY 2.0)

Sixanta puestos de treballo en o mes de setiembre que aumentará a 150 antes de cabo d’anyo. A interpresa de servicios telefonicos GSS s’instalará en una nau d’o poligono La Charluca o venient mes, pero antes o Concello de Calatayut creyará as instalacions necesarias pa que a interpresa prencipie a suya actividat.

O consistorio bilbilitano ha ratificau en Comisión de Gubierno a clasificación de qualques interpresas que treballarán mientres agosto en a instalación de mobiliario, equipos informaticos y tecnicos. O Concello invertirá 302.700 euros en istos treballos en os quals participan a Diputación Provincial de Zaragoza y o Gubierno d’Aragón a traviés d’un convenio de colaboración.

O Concello considera que a plegada d’ista interpresa a la localidat creyará emplego que dinamizará l’actividat economica d’a zona. “Hue en día a creyación de puestos de treballo ye o millor resultau que puede tener un consistorio”, afirma l’alcalde de Calatayut, José Manuel Aranda.

Fuent: http://www.cronicadearagon.es/wordpress/?p=43221

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.