Gubierno de Aragón y Aquitania viachan ta Bruselas buscando fundos t’o Canfranc

Os dos gubiernos s'amuestran convencius de que a linia ye viable y continan con diferents frents d'actuación.

Imachen d'a reunión de Bruselas (Foto: D.Ch.A.)

Imachen d’a reunión de Bruselas (Foto: D.Ch.A.)

Gubierno de Aragón y responsables d’o departamento francés de Aquitania continan treballando de conchunta ta que reubrir o Canfranc siga un feito antis con antis. Dimpués d’a celebración de conchunta d’o zaguer cabo d’anyo d’a linia entre mugas, os dos Executivos han viachau dica Bruselas ta chuntar-se-ie con a Comisión de Transportes y transmitir d’ista traza que “cal apostar por ista infraestructura por o suyo intrés como conexión dillá d’as mugas”, asegura a D.Ch.A.

A intención ye esclatera: que os trens tornen a esnavesar a linia en Pau y Canfranc. Ta ixo, Aragón ha demandau a Europa nuevos refirmes a ista linia, tanto tecnicos como financieros ta ista infraestructura que favoreixería o desembolique economico en dembas tant importants como o turismo y amilloraría a competitividat d’as interpresas a las dos vesants d’o Pirineu. “Tanto a rechión d’Aquitania como o Gubierno d’Aragón ya vienen colaborando dende fa muitas anyadas ta tirar entabant os prochectos y as obras que calen ta reubrir o Canfranc”, ha asegurau Natalia Blázquez, representant d’a Fundación Transpirenaica.

“Isto ye una iniciativa más que somos desembolicando ta conseguir una financiación adicional que nos pueda aduyar a acelerar os palzar, a conseguir que se reubra antis con antis”, ha subrayau contino. Dende A Fundación Transpirenaica, han remerau que reubrir o Canfranc ye una opción que refirma tanto o Ministerio de Fomento espanyol como o departamento homologo francés. Totz dos entienden que o prochecto cumple totz os requisitos ta estar considerau “d’intrés europeu”, chustificando d’ista traza a colaboración tan firme entre as dos partis.

Fuent: http://www.aragon2.com/n-20375-4-Gobierno_de_Aragon_y_Aquitania_viajan_a_Bruselas_en_busca_de_fondos_para_el_Canfranc

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.