Ha muerto Nei Armstrong, primer humano en pisar a Luna

Teneba 82 anyadas y l'heban operau fa poco d'o corazón

A tripulación de l'Apolo XI. Armstrong a la cucha (Foto: NASA)

A tripulación de l’Apolo XI. Armstrong a la cucha (Foto: NASA)

Neil Armstrong ha muerto iste sabado, quan se recuperaba d’una operación de corazón. O comandante Armstrong ha pasau a la historia d’a humandiat por estar o primer hombre d’a nuestra planeta que pisó a Luna, o 20 de chulio de 1969. Teneba agora 82 anyadas.

Armstrong estió o comandante de l’Apollo 11 que plego en a Luna o 20 de chulio de 1969. En ista misión, Armstrong y Buzz Aldrin baixoron d’o modeulo lunar y pasó 2 horas y meya explorando a Luna entre que Michael Collins remaniba en orbita en o modulo de mando. Se fació famosa la frase que pronunció en meter os pietz sobre o satelite d’a Tierra: “un chiquet trango ta un hombre, pero un blinco chigant t’a humanidat”. Bells problemas con a radio empachoron d’ascuitar-la bien.

Enta prencipios d’a decada de 1970, Armstrong plegó en o cargo de vicepresident administrador asociau t’a división d’Aeronautica d’as Oficinas Centrals d’a NASA, en Washington DC. En iste puesto estió responsable d’a coordinación y administración d’o treballo de investivación y tecnolochía d’a NASA relacionau con l’aeronautica.

Dimpués de deixar a NASA en 1971, prencipió o suyo treballo como profesor en Incheniería Aeroespacial en a Universidat de Cincinnati, dende 1971 dica 1979. Mientres as anyadas 1982-1992, Armstrong estió president d’o  Computing Technologies for Aviation, Inc, en Charlottesville, Virginia. Dimpués d’istos cargos, Armstrong se convirtió en president d’a chunta directiva d’Ail Systems, Inc, una companyia de sistemas electronicos en Deer Park, Nova York.

Fuent: http://www.vilaweb.cat/noticia/4036038/20120825/mort-neil-armstrong-primer-huma-trepitjar-lluna.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.