Han bloqueyau os servicios de comunicación de François Hollande en Bretanya

Manifestacions y protestas han recibiu a visita oficial d'o president francés en Bretanya

Hollande BretanyaMilitants por a luenga bretona bloquioron ahiere os telefonos, e-mails y faxes d’o servicio de comunicación d’o president d’a Republica Francesa en a prefectura de Mor-Bihan (Bretanya) con mensaches que pediban a o president francés de cumplir o suyo compromís 56, ye decir, sinyar a Carta Europea d’as Luengas Rechionals y Minorizadas, seguntes o que reportaba o diario breton 7Seizh.info.

L’acción, baltizada “Operación 56“, estió coordinada por o movimiento Aï’ta que fa desobediencia civil en favor d’a luenga bretona.

O president francés visitaba ahiere oficialment a villa bretona d’An Oriant, acompanyau d’a ministra d’Afers Socials y Sanidat, Marisol Touraine; d’a ministra delegada d’as Personas Discapacitadas y de Luita contra a Exclusión, Marie-Arlette Carlotti; y d’o ministro de Defensa, Jean-Yves Le Drian.

Amás d’o bloqueu d’as comunicacions, a-saber-las manifestacions recibió a o mandatario francés: una trentena d’opositors a o matrimonio pa totz; achents territorials y treballadors d’a sociedat de barcos DCNS, preocupaus por os plans d’o gubierno respective a la fabricación de fragatas FREMM; y tamién qualques 200 manifestants que representaban a o personal d’o hespital y que protestaban contra a falta de medios humanos.

Fuent: http://www.jornalet.com/nova/2033/an-blocat-los-servicis-de-comunicacion-de-francois-hollande-en-bretanha

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.