Han descubierto as razons que fan que una tumor de colon desembolique una metastasi

Investigadors de l'Instituto d'Investigación Biomedica de Barcelona han descubierto os mecanismos que fa servir una tumor de colon ta desembolicar una metastasi y ixamplar-se ent'o figau

Eduard Batlle, un d’os investigadors, explicó a TV3 que, ta que un cancer faiga metastasi, cal que as celulas mai d’a tumor corrompan as celulas sanas. Ye a primer vegada que un articlo scientifico sinyala a “función alazetal” d’as celulas sanas de l’entorno ta l’ixample d’a tumor.

I hai entre un 10% y 15% d’enfermos que no pasan por ixe proceso porque l’entorno d’a tumor no aduya a las celulas malaudas ta multiplicar-se. Isto quiere dicir que aquells pacients no tendrán garra metastasi y a malotía s’aturará; iste descubrimiento, por tanto, puede privar-les os tractamientos mas agresivos. Dentro d’os casos contrarios, cal actuar d’o revés.

Cal, por tanto, estudiar l’entorno d’a tumor ta saber, seguntes l’estudeo, si n’i habrá de metastasi, o que permitirá construyir tractamientos mas personalizaus.

Os autors de l’estudeo confitan que entre 3 y 5 anyos, tendrán una preba ta detectar as posibilidatz de que un enfermo de cancer desembolique una metastasi.

O treballo d’os investigadors catalans ha meso os alazetz d’as “ferramientas que se pueden fer servir ta predecir o risque baixo u alto de metastasi” d’a tumor de colon ent’o figau, prencipal organo a on s’ixampla de cutio.

Dillá, unatro descubrimiento: as metastasis amenistan a interacción entre dos formonas ta desembolicar-se. Seguntes os investigadors de l’estudeo, aturando ixa comunicación, puede privar-se a progresión d’a tumor.

O cancer de colon ye o segundo cancer mas mortal d’o mundo y o tractamiento habitual ta combatir-lo ye a cirurchía combinada con a quimioterapia.

Fuent: http://www.jornalet.com/nova/1032/an-descobert-los-motius-que-fan-quun-tumor-de-colon-desvolope-metastasi

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.