Han identificau una especie de ballena nunca no vista, en a costa de Nueva Zelanda

Scientificos troban una especie de ballena que se creyeba ya acotolada en as costas de Nueva Zelanda

Se tracta de dos eixemplars de ballena picuda de Bahamondes (Mesoplodon traversii), una especie que dica agora nomás s’han localizau repuis de uesos y que se creyeba que s’heba acotolau. As dos ballenas, un chicot masclo de 3,5 metres y  su mai de 5 metros de largaria, estioron localizaus sobre a placha d’Opape en aviento de 2010, pero s’heba pensau que yeran eixemplars d’una especie común en a zona, as ballenas picudas de Gray.

L’analís d’ADN d’as dos ballenas determinó que se tractaba d’atra especie, a ballena picuda de Bahamondes. Dica agora nomás se’n conoixeban bells pocos repuis de uesos trobaus en Nova Zelanda y en Chile aintro d’un periodo de 140 anyos.

A biologa Rochelle Constantine, que ha participau en l’estudeo d’as dos ballenas, considera que a trobada ye muit important parando cuenta d’o tiempo que ha pasau sin garra preba de vida d’ixe gran mamifero. Constantine o chustifica con a posibilidat de que a ballena picuda de Bahamondes siga una especie que vive y muere nomás en auguas muit profundas de l’ociano y que fa muit dificil que arribe arrocegada en a costa.

Fuent: http://www.jornalet.com/nova/1002/an-identificat-una-especia-de-balena-jamai-vista-quapareguet-morta-en-2010-a-la-costa-de-l

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.