H&M e Inditex sinyarán l’alcuerdo ta guarenciar a seguridat d’as fabricas de Bangladesh

L'alcuerdo incluye un sistema d'inspeccions independients t'apanyos y rehabilitacions obligatorios

Una grua replega enrona en l'accident de Rana Plaza (Foto: eldiario.es9

Una grua replega enrona en l’accident de Rana Plaza (Foto: eldiario.es9

H&M y Inditex han acceptau sinyar un alcuerdo que s’heban resistiu en as zaguers dos anyadas. Todas dos interpresas y atras companyías occidentals se han compromeso ha sinyar un alcuerdo, deseyau dende fa tiempos por os sendicatos de Bangladesh, con o que guarenciar unas millors condicions de seguridat a los treballadors d’o sector textil en o país asiatico.

L’alcuerdo incluye un sistema d’inspeccions independients que ferán financiar por interpresas foranas apanyos y rehabilitacions obligatorias d’as factorías. Istas habrán de negar-se a achustar a confección de ropa con os interpresarios local que se nieguen a acceptar iste control. Os terballadors y os sendicatos habrán d’estar ascuitaus cuanto a la seguridat.

“Asperemos que se faiga una coalición de sinyants (de l’alcuerdo) ta que se pueda aplicar de traza efectiva sobre o terreno”, ha dito una directiva de H&M. A interpresa sueca ye, chunto con a norteamericana Wal-Mart y a espanyola Inditex, a más gran companyía occidental que opera en Bangladesh.

As ONG y os sendicatos creyen que o refirme de H&M ye clau ta que o pacto tienga muita más sinyas.

Inditex ha comunicau a IndustryALL, a confederación sendical que ha menau as negociacions, que se compromete tamién a sinyar l’alcuerdo. Será en os venients diyas quan remate o proceso y se pueda conoixer o texto exacto.

“El Corte Inglés” encara no ha feito conoixer publicament a suya postura. Manimenos, una portavoz d’a interpresa de grans almagacens comentó a eldiario.es que “a vocación ye de sinyar l’alcuerdo porque se leva treballando-ie dende fa muitos meses, dende antis de l’accident”. A interpresa diz que tamién participará en a creyación d’un fundo d’aduya t’os damnificaus d’o esvoldregue d’o Rana Plaza, a on que se replegoron dica iste lunes 1.127 calavres.

Tres semanas dimpués de que s’esvoldregase l’edificio, a presión sobre as interpresas occidentals y o Gubierno de Bangladesh pareix haber teniu efectos en bells puntos. L’alcuerdo que agora ye posible de fer funcionar ye estau debatindo-se dende a fin de 2011. As multinacionals lo heban refusau porque yera masiau costoso u porque permitiba presentar demandas en os tribunals de cada país con a intención de fer-lo cumplir.

Mayor  chornal minimo

O Gubierno de Dacca ha prometiu puyar o chornal minimo d’os tres millons de treballadors d’o textil, que agora ye arredol d’os 38 dolars a o mes. Formará una comisión con representants d’intepresas y sendicatos ta plegar en un alcuerdo que os suyos efectos sigan retroactivos dica o 1 de mayo.

Atro cambio provocau por a trachedia ha de viyer con exercer os dreitos sendicals. O Gubierno ha decidiu que os treballadors d’o textil puedan fer sendicatos en os centros de treballo sin contar con o permiso previo d’os amos d’as fabricas, como marcaba dica agora una lei laboral aprebada en 2006. En iste punto, os sendicatos son escepticos sobre l’aplicación d’a reforma. “Lo important no ye fer una nueva lei u esviellar l’anterior”, ha dito ta l’achencia AP Kalpana Akter. “D’antis mas siempre que os treballadors prebaban de fer un sendicato les abataniaban u acosaban y os amos no dubdaban en forachitar a ixos treballadors”.

 

Fuent: http://www.eldiario.es/internacional/HM-Inditex-garantizar-seguridad-Bangladesh_0_131937322.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.