Hola, soi Helder Postiga

O Reyal Zaragoza vence a la Real Sociedad con dos gols de Postiga, un d'ells, historico

Si l’afición zaragozana teneba ganas de veyer a o millor Helder Postiga, huei ha teniu a oportunidat de fer-lo. O portugués ha feito un gran partiu y ha marcau os dos gols blanquillos contra la Reyal Zaragoza. O primer d’ells, una obra mayestra, una chenialidat de chilena que ya ye en os anyals d’o club y que ha endrezau o partiu.

O Reyal Zaragoza ha feito un buen partiu, asentau en esfensa y sobre tot, con buenas combinacions en ataque. Os vascos cuasi no han plegau ta l’area de Roberto, fueras d’os minutos finals, en que si han teniu bella ocasión que no ha feito patir guaire a os blanquillos.

En comencipiar a segunda parti atro gol de Postiga meteba o 2-0 en o marcador y feba a o Zaragoza retacular una mica asperando as contras. A nota negativa d’o partiu as dos lesions de Mateos y Meira, que han feito saltar ta o campo a Zuculini y Micael ta ocupar posicions no habituals.

Con ista victoria, o Reyal Zaragoza puya enta o nueno puesto d’a Liga BBVA a tres puntos d’Europa y cuatro por dencima d’a baixada.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.