Hugo Chávez gana por 10 puntos d’esferencia

O president de Venezuela consigue o suyo quarteno mandato con o 54% d'os votos. Capriles reconoix a suya redota a escape.

O president Hugo Chávez (Foto: Wikipedia)

O president Hugo Chávez (Foto: Wikipedia)

A elección más preta d’a era chavista no en estió. Hugo Chávez consiguió a reelección con una esferencia más chicota que no en anteriors comicios presidencials, pero esclatera y indiscutible. “Estió una baralla perfecta”, dició en conoixer-se os resultaus denden o Palacio de Miraflores debant d’un fascal de seguidors.

Con o 90% d’o escrutinio, o Consello Nacional Electoral informó que Chavez consiguió o 54,4% d’os votos, frent a o 44% de Henrique Capriles. O lider d’a oposición reconoixió de camín os resultaus, lo que aluenya a posibilidat d’incidents violentos.

“Ye a millor Venezuela que hemos teniu en 200 anyadas”, dició a los venezolans que s’achuntoron ta celebrar a victoria. O president querió remerar a los votants d’a oposición, a los que “estendillar as suyas dos mans y o suyo corazón” a “totz a qui votoron en contra de nusatros”. A los dirichents d’a oposición les demandó “que salgan d’iste estau mental y animico que les ha levau a gran parti d’ells a desconoixer tot lo bueno que bi ha en ista tierra venezolana”.

Seguntes os datos que dió a la chent, a suya candidatura ganó en 20 d’os 22 estaus d’o país, incluyida a capital.

Antismás Capriles heba reconoixiu a suya redota a escape sin marguin t’o resentimiento: “Soi un democrata a carta cabal. Atra opción tenió más votos que no nusatros. Yo soi aquí ta reconoixer a voluntat d’o nuestro pueblo. Deixé l’alma en ista campanya y continaré treballando por Venezuela”.

 

Fuent: http://www.eldiario.es/internacional/Hugo-Chavez-gana-puntos-diferencia_0_55994415.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.