Humberto Vadillo enguerará o I Congreso trekkie d’Aragón

Se celebrará en Marzo y contará con a presencia de Zachary Quinto y J.J. Abrams

Humberto Vadillo

Humberto Vadillo

Tasament dos meses antis de l’enguero d’a nueva cinta de Star Trek, Zaragoza acullirá o I Congreso de fans de Star Trek d’Aragón. O congreso contará con a presencia de Zachary Quinto, qui interpretó a Mr. Spock en a zaguer cinta d’a serie y de J.J. Abrams director d’ista y d’a nueva entrega d’as aventuras d’a nau Entreprise.

Os trekkies, como se conoix a os fans d’a serie,  han quiesto esleixir a Humberto Vadillo, Director Cheneral de Cultura d’o Gubierno de Aragón por “o suyo refirme a la luenga klingon, tan a soben ixublidada por as administracions”. Vadillo ha replegau con goi o convite y ha declarau que ha visto “as series y todas as cintas”. Mesmo aprendió klingon porque “quereba impresionar a una mesacha vestida de Uhura que conoixié en una convención”. “No funcionó, pero encara lo charro de traza cutiana, pues ye un legau que no quiero perder y fa muita honra”, ha adhibiu.

Encara no ha aclariu si presentará o congreso con trache y truqueta, como gosa de portar u vestiu de bell personache. Chusé Lopanyes, president d’o Club de Fans de Star Trek de Lumpiaque ya le’n ha ufierto uno de Mr Spock “con orellas y tot”, pero seguntes ha dito “Vadillo ye una persona muito seriosa. Antimás, en tot caso, se disbrazaría de klingon, que ye a suya pasión”.

A comunidat trekkie ha alportau muito t’a cultura espanyola y t’a suya sociedat. Ye toda una honor que piensen en yo t’a ceremonia de devantadera y quiero convidar a tot lo gubierno a ir-ie y a conoixer a millor saga de sciencia ficción que nunca no s’haiga feito”, ha declarau.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.