I Torneu solidario de Padel a beneficio d’o Banco de Birolla de Uesca

Ista actividat ye organizada por os estudiants de Sciencias de l'Actividat Fisica y d'o Esporte d'o Campus uescano.

Iste cabo de semana, 12 y 13 de mayo, va a celebrar-se en Uesca o “I Torneu de Padel Solidario por Equipes” en beneficio d’o Banco de Birolla de Uesca. A iniciativa parte d’os estudiants de 3er curso d’o grau en Sciencias de l’Actividat Fisica y d’o Esporte d’o Campus uescano, con l’obchectivo de replegar birolla y recaudar fondos en favor d’ista asociación. O torneu ye dirichiu a todas as personas que quieran colaborar, independientment d’o suyo ran, y a aquells que practiquen iste esporte. Por ixo a organización amprará palas a totz os usuarios que no disposen d’una propia ta celebrar os partius que se desembolicarán en as instalacions de Live Padel (C/ Ronda d’o Transporte 32, Poligono Monzú, Uesca).

Os equipes, que serán mixtos, serán componius por 4 personas, 2 mullers y 2 hombres. As trobadas entre ells consistirán en 3 partius de 20 minutos. Se disputará un partiu de dobles femenins, unatro de dobles masculín y un zaguer de dobles mixto; existindo a posibilidat de realizar un cambeo por persona.

A conduta d’inscripción ye de 20 euros por equipe y se podrá realizar en Intersport (Ricardo d’o Arco, 13), en Líve Padel (974.24.32.37) y en padel.solidario.huesca@gmail.com. Totz dos días se replegará birolla y i habrá caixas de refirme habilitadas t’os donativos. Totz os participants tendrán un obsequio de material esportivo por participar, y se realizarán diferents sorteus cedius por parte d’os colaboradors.

O blog padelsolidariohuesca.blogspot.com, enchegau ta ista cita por os alumnos d’a Facultat de Sciencias d’a Salut y o Esporte, replega toda a información sobre ista cita.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.