Ibercaja y Caja 3 prencipian un proceso de fusión

As dos entidatz contan con un volumen de negocio de 104.000 millons d'euros

Logo d'IbercajaIbercaja Banco y Banco Grupo Caja3, compuesta por Caja Inmaculada, Caja Círculo y Caja Badajoz, han aprebau hue encetar un proceso ent’a fusión d’as dos entidatz. Ista fusión podría fer-se efectiva en bells poquetz meses.

Ibercaja ha informau a la Comisión Nacional del Mercado de Valores de que o proceso de ferá por una fusión por absorción, a on que os socios de Caja3 tendrán a propiedat d’un 20 % d’o capital d’a entidat que’n surta. Ista nueva entidat sería a novena a ran estatal y contaría con 65.000 millons d’euros en activo, un volumen de negocio de 104.000 millons d’euros y más de 4.000 millons d’euros de fundos propios.

De fer-se a fusión, probablement suposaría zarrar a-saber-las oficinas y forachitar treballadors d’as dos caixas. Fuents sindicals creyen que podría haber-ie mesmo 600 prechubilacions y que zarrarían bellas 180 oficinas que agora se duplican.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.