Ibercaja y Caja3 se fusionan con Liberbank y tendran siede social en Madrid

En tot caso, a nueva entidat asegura que no i habrá cambeos en a tributación autonomica d'as entidatz integradas

Os Consellos d’Administración de Ibercaja Banco, Liberbank y Banco Grupo Caja3 apreboron ahiere o protocolo d’integración ta creyar una nueva entidat achuntando-se’n en o que sera a setena entidat financiera estatal con un volumen d’activos de 114.000 millons d’euros, un capital prencipal pro forma (a 31 d’aviento de 2011) d’o 10,5% y una folgada posición de liquididat. O nuevo grupo, que no ha recibiu aduyas publicas, será lider en os suyos territorios d’actuación, Aragón, Asturias, Cantabria, Castiella -La Mancha, Extremadura, La Rioja y a provincia de Burgos.

En a nota de prensa que han emitiu as entidatz, deixan platero que a nueva entidat tendrá siedes operativas y servicios centrals distribuius en os suyos territorios d’orichen y se formalizará una siede social en Madrit, pero que ixo no tendrá garra efecto en a tributación autonomica. A entidat tendrá un rete de 2500 oficinas que prebarán de dar servicio a más de 6 millons de clients. O consello d’Administración tendrá 15 miembros y o president será Amado Franco, dica agora president d’Ibercaja. Respecto a la partecipación d’accions, Ibercaja tendrá a mayoría, un 46,5%, Liberbank un 45,5% y Banco Grupo Caja3, o 8%.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.