Identificaus nuevos fosils de dinosaurios en a comarca de Gudar-Chabalambre

S'ha aconsiguiu definir una nueva clase de pisadas de dinosaurios "Iberosauripus grandis"

Lo Castellar y Formich Susano son as dos localidatz an que s’ha identificau nuevos fosils de dinosaurios por parte de scientificos d’a Fundación Dinópolis y d’a Universidat de Colorado (Denver, EEUU). Se tracta de grans pisadas tridactilas de quasi 60 cm. de largaria, procedent d’o chacimiento de Lo Castellar, y d’un gran dient, procedent d’o chacimiento de Formich Susano.

Os fosils perteneixen a grans dinosaurios carnivoros, teropodos, d’a era entre o Churasico y o Cretacico, con arredol de 145 millons d’anyos d’antigüedat.

As pisadas de Lo Castellar presientan caracteristicas unicas, seguntes o treballo d’a investigación, publicada en a revista “Palaeogeography, Palaeoclimatology, Palaeoecology“, por o que se describe una nueva mena de pisadas, Iberosauripus grandis (piet de fardacho iberico gran).

O dient de Formich Susano perteneixería, seguntes os expertos, a un dinosaurio teropodo megalosaurido como atros dients trobaus en Aragón y Valencia (en os chacimientos de Galve, Río Deva y Alpuent).

Dimpués de diversos analisis, se creye que i heba, a lo menos, dos clases de dinosaurios megacarnivoros en a Peninsula Iberica.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.