II edición d’a Feria de Bruixas, Mitos y Leyendas d’a Val de Tena en Sallent de Galligo

Sallent de Galligo acullirá iste cabo de semana ista feria adedicada a la bruixería y a machia como tema central

feria bruixas sallentDende o 14 dica o 16 de chunio, Sallent de Galligo acullirá a II edición d’a Feria de Bruixas, Mitos y Leyendas d’a Val de Tena. Aprofitando o pasau esoterico d’a val, a feria pretende embrecar a os vecins y vecinas d’a val en un tema que ha estau tabú mientres muito tiempo.

A feria cuenta con diversas actividatz. I habrá un mercau machico, a on se podrán trobar productos naturals y artesanals, asinas como de machia y astrolochía. Tamién se i ferán cuentacuentos con a colla “Encantarias”, pasacarreras con a colla mosical “Lurte”, animacions variadas con a colla “Las Brujas Eventos”. Como representación central o “Gran Auto de Fe“, a on un inquisidor “chudgará y cremará” a una muller acusada de bruixería.

Tamién i habrá puesto ta conferencias y charradas. O viernes se ferá a charrada “Mullers sanadoras: sabias u ¿bruixas?” a cargo d’Asunción Arruebo, y o sabado a conferencia a cargo de Carlos Garcés y Ángel Garí “Nuevos casos de bruixas en Uesca y l’Alto Aragón”.

Se celebrarán as II Chornadas Gastronomicas d’a feria con a participación de restaurants y bars d’a villa, y os ninos y ninas podrán disfrutar d’una gymkhana embruixada parada por l’AMPA d’o colechio de Sallent de Galligo.

Tamién se ferá una exposición sobre inquisición y bruixería, y a naturaleza cobrará protagonismo en una cursa botanica o domingo de maitins.

Programa d’actos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.