II Ruta d’o “Tapeo” Vegano y Vegetariano en el barrio de la Madalena

Por dos euros se puet tastar una tapa y una bebida

cartelO venient diya 10 de noviembre se ferá a II Ruta d’o “Tapeo” Vegano y Vechetariano en o vico d’a Madalena, una actividat que en a suya primer edición estió promovida por l’asociación Amnistía Animal de conchunta con diferents bars d’o vico t’a Semana Cultural d’a Madalena “25 anyadas prenendo as carreras”.

En ista segunda edición, la d’agüerro, os bars A Flama, Barrio Sur, Birosta, Entalto y La Otra-Bocaus con rasmia, reprenen ista iniciativa con a fin d’amanar a soberanía alimentaria, fendo servir productos ecolochicos y de temporada producius localment en as tapas vechetarianas y veganas. O vechetarianismo ye una opción de vida y, aintro d’ista opción se i troba o veganismo, que exlucye qualsiquier traza d’explotación animal. Ye una alternativa sana a lo consumo de tot producto derivau d’os animals.

A ruta prencipiará a las 12:00 horas d’o sabado 10 de noviembre de vez en os cinco bars. O “tapeo” pendera en tastar una tapa vechetariana u vegana y una consumición esleixida por cada bar a o pre de 2 euros.

A carta:

A Flama (C/ Mayor 53)

  • Endivias a o roquefort y nueces | vechetariana
  • Pate de camparols con pimentos d’o país | vegana
  • Crabaceta a o pesto | vegana
  • Brocheta tropical aragonesa | vechetariana

Barrio Sur (C/ San Jorge 29)

  • Mini pizzas | veganas y vechetarianas
  • Montadetz de pate de camparols con nueces | vegana
  • Empanadetas de pisto a las finas hierbas | vegana
  • Trunfetas rustidas a la aragonesa | vegana

Birosta (C/ Universidad 3)

  • Faixeta campera con verdura de temporada | vegana
  • Chorizo vegano a la sidra | vegana
  • Roulée de crabaza rustida y nueces con modena | vegana
  • Birosta de pate de fruitos ixutos, tofu y chelatina de vermut | vegana

Entalto (C/ Mayor 50)

  • Cesteta de alberchena replena de roz con soya y curry | vegana
  • Brocheta de verduras, con unto de pimentos | vegana
  • Flor d’o zafran | vechetariana
  • Montadet silvestre | vechetariana

La Otra – Bocaus con rasmia (C/ Don Teobaldo 16)

  • Birosteta de crema de espinais y queso de craba | vechetariana
  • Pincho de camparols con allolio a o pesto | vechetariana
  • Minibrocheta de tofu y verduras a las hierbas provenzals | vegana
  • Empanadeta de fritada | vegana
Fuent: http://arainfo.org/2012/10/ii-ruta-del-tapeo-vegano-y-vegetariano-en-el-barrio-de-la-madalena/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.