III fiesta d’o choplo cabecero en Val de Conellos

Cientos de personas se i achuntoron ta esfender ista mena de choplos.

A fiesta d’o choplo cabecero, arrocló en a suya tercer edición más de 400 personas en o lugar de Val de Conellos. Ista localidat de menos de 20 habitadors mientres o hibierno, estió a esleixida ta fer toda mena d’actos en esfensa d’o choplo cabecero.

Iste choplo ye un choplo negro (Populus nigra) que se l’han tallau os camals grans ta fer vigas. Ista traza de tallar os camals, clamada escamoda, fa que creixcan de traza diferent y que vivan más anyadas, tenendo muitos más de cient anyadas de edat. Ye caracteristico de bellas partis d’o Xiloca y o Baixo Aragón y atras d’o sur d’o país.

Mientres a chornada se fació una cursa por a redolada, una demostración de escamonda, a debantadera d’una exposición, a prochección d’un audiovisual y a presentación d’a web www.chopocabecero.es,  a on que s’explica o qué ye y a importancia d’o paisache que fabn. A tamás d’a plevia que bi habió estió tot un exito, indo-ie chent d’a redolada, pero tamién d’atros puestos como Utrillas, Andorra, as redoladas de Matarranya u o Mayestrato u Zaragoza, con un viache organizau por VoluntaRios.

4 Rispuestas a III fiesta d’o choplo cabecero en Val de Conellos

  1. @gerardoensuisse

    No haberba d’estar hivierno, con “v”?

  2. @gerardoensuisse

    Muitas gracias por l’aclaracion, curioso como a mayoria d’as fablas d’a romania linguistica han preso la “v” ta iste vocablo (hivern,hiver,invierno..)

  3. Pingback: III fiesta d’o choplo cabecero en Val de Conellos – El chopo cabecero

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.