Important triumfo d’os Cadetz de l’Atletico Sobrarbe en o campo de l’Almudevar

O cabo de semana vinient chugarán contra o Binefar A en L'Ainsa.

Fa poco nos informaban sobre os Cadetz de l’Atletico Sobrarbe, ya que aconseguiban pasar a la fase ta disputar a puyada t’a División d’Honor d’o Futbol Aragonés.

Ya han prencipiau os partius en os quals s’ha de medir l’equipo sobrarbenco. Asinas en o primer partiu d’ista competición, disputau iste pasau sabado 18, os cadetz han aconseguiu puntuar difuera de casa, en o campo de l’Almudevar. Con un mereixiu 0-1 s’han imposau como visitants, con un gol d’Oscar Villacampa a saque de falta de Marcos Castán.

O partiu estió muit disputau, con gran intensidat. L’Almudevar estió campión d’o suyo grupo pero ixo no le ha valiu con l’equipo de Sobrarbe que plantó cara dende l’empecipie d’o disputau partiu y lo fació dica o zaguer menuto. Estión tres puntos muit luitaus.

Una interesant trobada en a qual s’han visto dos equipos con ganas de fer una buena fase.

O cabo de semana vinient les aspera una trobada con l’atro campión de grupo: o Binefar A. O partiu se chugará en o campo de futbol de L’Aínsa

D’atra man, os Infantils d’o Sobrarbe, que militan en a 1ª Infantil, chugarán en o campo d’o Fraga U.D. o sabado 25 de febrero. Un equipo tamién muit consolidau y que quan acabe ista liga, segurament chugarán a Copa Primavera.

Fuent: http://sobrarbenses.es/?p=21519

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.