Incautaus en Alcanyiz dos eixemplars de monos titis

O Seprona detectó a venda por internet.

Os monos incautaus (Foto: Guardia Civil)

Os monos incautaus (Foto: Guardia Civil)

Achents d’o Seprona d’Alcanyiz d’a Guardia Civil incautoron o pasau martes dos eixemplars de monos titi (Callithrix Jacchus), que s’heban ufriu y vendiu a traviés d’una pachina web a un vecin, indo o vendendor dica casa d’o mercador ta fer-ie a entrega.

Os achents comproboron que no teneban a documentación que cal ta poder tener eixemplars d’ista especie protechida por a Convención sobre o Comercio Internacional de Especies Menazadas de Fauna y Flora Silvestre. Encara que ista especie no ye en periglo d’acotolar-se, as Directivas establen que os intercambios intracomunitarios de simios nomás se permiten entre organismos, institutos u centros autorizaus oficialment.

Tamién ye viedau por Reyal Decreto que un particular tienga qualsiquier primate por razons zoosanitarias y o periglo de contachio de malotías a os humanos, asinas como por razons de comportamiento y bienestar fisico y psiquico d’os animals.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.