Incendio en Montecanal (Zaragoza)

Segundo incendio en Montecanal en o que va d'anyo.

L'incendio visto dende a carrera Ermesinda d'Aragón. (Foto: Arredol)

Arredol d’as 14.30 d’a tardi de hue se desataba un incendio en o vico zaragozano de Montecanal. Seguntes pareix, l’incendio podría haber escomencipiau en o Club Deportivo Montecanal, y dende asti haber-se estendillau por tot lo ribazo ixuto que desepara os vicos de Montecanal y Rosals d’a Canal, encara que bells vecins aseguran haber visto diferents focos simultaneos y deseparaus uns d’atros arredol d’o ribazo.

L’altaria d’os arbres que rodian o ribazo ha aduyau a que o fuego plegase en bellas casas sitas en a carrera Ermesinda d’Aragón. En poco tiempo, todas as casas de dita carrera s’han plenau de fumo y cenisas.

O fuerte viento que bufaba ha feito que se dificultase a tarea d’extinción d’o incendio, encara que a rapeda intervención d’o cuerpo de bombers ha evitau que s’estidallase más. Dica la zona s’ha desplazau seis dotacións de bombers, dos vehiclos de mando y una ambulancia.

Iste ye o segundo incendio que acontece en a mesma zona de Montecanal (en a muga con Rosals d’a Canal) en o que va d’anyo.

L'incendio ha afectau a bellas casas d'a carrera Ermesinda d'Aragón. (Foto: Arredol)

Bombers extinguindo lo fuego. (Foto: Arredol)

L'incendio visto dende Rosals d'a Canal (Foto: Arredol).

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.