Independentistas aragoneses y occitanos remeran a batalla de Muriel

BIC y Libertat claman a la luita de conchunta entre os pueblos aragonés y occitano por a suya libertat

cartelO Bloque Independentista de Cuchas y Libertat, organización d’a cucha revolucionaria occitana, han quiesto remerar hue o 800 cabo d’anyo d’a batalla de Muriel, “a zaguer oportunidat ta esfender a independencia d’Occitania d’a conquista d’o rei de Francia”. En ixa batalla os exercitos d’a Corona d’Aragón y soldaus occitans luitoron contra as tropas francesas, perdendo la batalla y morindo-ie de 15.000 a 20.000 personas, entre ellas o Rei d’Aragón, Pero II.

As dos organizacions han remerau que Aragón y Occitania son dos pueblos que comparten sieglos de historia y que, “mientres decenios funcionoron como un mesmo pueblo” y que, encara que o desastre de Muriel y o tractau de Corbeil en 1258 “significoron a fin d’a relación politica d’a Corona Aragonesa con tierras d’Occitània, pero no a fin d’a relación entre a población d’istos dos Pueblos.”

O BIC y Libertat denuncian tamién a discriminación que sufren hue l’aragonés y l’occitano de man d’os estaus espanyol y francés, “denigrando as luengas propios d’os nuestros territorios y forzando-las a la suya desaparición”. Tamién denuncian un emplego “colonial d’os recursos naturals, relegando a la población a simples espectdors d’a destrucción d’a suya tierra.

O comunicau feito publico hue, remata con un clamamiento a la luita de conchunta entre os dos pueblos, y a “reviscolar viellas alianzas. “Solament asinas podremos enfrentar en común o colonialismo d’o nuestro tiempo”, declaran. “Ye hora de rescatar viellas alianzas y encarar chuntos un nuevo escenario an poder ser Pueblos Libres”, remata o comunicau.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.