Indignación con a declaración d’o Toro de Ronda de Carinyena como Fiesta d’Intrés Turistico d’Aragón

O Partiu Animalista (PACMA) y o Rolde Animalista de Podemos han manifestau o suyo desalcordo con ista declaración.

Toro de ronda. (Foto: Wikipedia)

Toro de ronda. (Foto: Wikipedia)

Dimpués de conoixer ista decisión o Rolde Podemos Animalista de Zaragoza amuestra o suyo refuse a l’aprobación d’a declaración y insta a o concello de Carinyena a substituir ista mena d’espectáculo por atros que no impliquen l’emplego d’animals.

“Una vez mas se torna a vinclar diversión y sufrimiento, quan de garra traza habría d’existir connexión beluna”, ha sinyalau o portavoz d’o Rolde Podemos Animalista de Zaragoza, Manuel Velasco.

O Toro de Ronda u Toro de Fuego y o sufrimiento animal ye una practica que consiste en meter-le a o toro dos bolas de fuego dencima d’os cuernos por meyo de l’acople d’un yugo en o cuello, soltando a l’animal en un reciento acotau t’a ocasión. As purnas que se desprenden les gosan producir cremaduras oculars, sin ixuplidar l’asfixia que les produz o fumo. Acompanyau de panico y estrés.

Queixas y alegacions

O Partiu Animalista (PACMA) ha anunciau que presentará alegacions a la declaración. Una decisión que emparan dende Podemos.

“Cada vez son mas as localidatz que refusan iste tipo d’espectaclos y achugan por alternativas an no calga fer servir animals. Tenemos l’eixemplo d’a localidat madrilenya de Mataldepino, an una bola chigant substituye a las vaquiellas en os encierros. Tamién o d’Escanyuela (Xaén), an han substituiu os toros t’os encierros por grans monyacos con forma de toro chigant”, apunta Velasco ta remerar: “Divertir-nos totz y todas sin que sufra garra animal”.

Fuent: http://arainfo.org/2014/09/indignacion-ante-la-declaracion-del-toro-de-ronda-de-carinyena-como-fiesta-de-interes-turistico-de-aragon/http://arainfo.org/2014/09/indignacion-ante-la-declaracion-del-toro-de-ronda-de-carinyena-como-fiesta-de-interes-turistico-de-aragon/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.