Informacions contradictorias respective a l’ataque a un centro comercial en Nairobi

O pasau sabado se rechistró un ataque en un centro comercial de Kenia a on decenas de personas morioron y bell centenar estioron feridas. As informacions sobre a situación actual son contradictorias

Centro comercial Westgate en Nairobi. Foto: Rotsee (CC-BY-SA)

Centro comercial Westgate en Nairobi. Foto: Rotsee (CC-BY-SA)

A lo menos 68 personas resultoron muertas o pasau sabado y unas 175 feridas en un ataque en o centro comercial Westgate en Nairobi (Kenia) realizau por Al Shabab, un grupo ligau a Al Qaeda. Iste grupo armau entró en o centro comercial disparando a qui mercaba. De vez atro ataque se produciba en a capital de Somalia, Mogadiscio.

Seguntes fuents gubernamentals, as fuerzas especials de Kenia tienen baixo control o centro comercial, han retirau explosivos y son rechistrando o centro pa buscar a os atacants. Seis d’ells podrían haber estau muertos por l’exercito seguntes a televisión de Kenia Citizen TV. Manimenos, o grupo Al Shabab diz que conserva as suyas posicions y que mantiene a bell hostache vivo encara.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.