Intensa plevia d’estrelas a nueit d’o sabado

A plevia de Draconidas será a mas fura dende 2002.

As perseidas u "glarimas de Sant Lorient". (Foto: Juan Ramón Rodriguez Sosa)A nueit d’o sabado 8 t’o domingo 9, a Tierra esnavesara una boira de polvo que fació o cometa 21P/Giacobini-Zinner entre 1873 y 1907. Ixa boira de fa más d’un sieglo producirá una plevia d’estrelas, as clamadas Draconidas.

Ista plevia será a de mayor intensidat dende 2002, con una actividat siete vegadas superior que a d’as perseidas d’iste agosto. Antimás, os scientificos calculan que no bi habrá una atra plevia asinas de gran en diez anyadas. Dende as 18 prencipiará una d’as partis con mas intensidat d’a plevia. Mientres tres horas podremos viyer entre 50 y 100 meteoros por hora. Pero será a partir d’as 22:00 que plegue a gran plevia con entre 600 y 800 meteoros por hora.

Iste fenomeno tien un gran intrés scientifico, ya que permitirá estudiar o paso d’o cometa 21P por o perihelio, determinar a suya orbita con mas precisión, estudiar a composición d’os meteoros y asinas asinas. Achencias y institucions de tot lo mundo participarán en diferents prochectos ta poder estudiar iste fenomeno.

Os astronomos han recomendau, ta poder viyer bien a plevia d’estrelas, fer-lo sin prismaticos ni telescopios. Simplament en una posición comoda y con un horizont sin cosa y luen de luces. Isto zaguer ye muito important ye que ixa nueit bi habrá luna plena y ixo ferá más dificil viyer bien a plevia.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.