Interior ordena identificar y detener a qui faiga “escraches” a politicos

A policía espanyola meterá vichilancia a os politicos que denuncien acoso a resultas d'istas accions

escracheO ministerio de l’Interior espanyol ha ordenau identificar y detener a qui participen en fustigar a politicos, accions conoixidas comoescraches‘. Asinas lo diz en una instrucción que o secretaire d’Estau de Seguridat ha feito plegar a las comisarías de l’estau por meyo d’a dirección adchunta operativa d’a policía.

‘Contra qui exerzan actos de fustigamiento y acoso a miembros de partius politicos, siedes de partius, etc. se procederá, en primer puesto, a identificar ta sancionar a qui  participen en istes actos, d’alcuerdo con a lei de seguridat ciudadana, u bien, si se tractase d’actos constitutivos de delito, se procederá a la detención d’istas personas d’alcuerdo con a lechislación vichent’, diz a instrucción, a la quala ha teniu acceso Europa Press. En a mesma nota, de nomás un paragrafo, se i ‘ruega maxima difusión’.

Ista instrucción ye a respuesta d’o gubierno espanyol a las accions d’istos zaguers diyas d’a Plataforma d’Afectaus por a Hipoteca (PAH), que ha feito suyos os ‘escraches’ archentinos y dende fa uns diyas se manifiestan en a puerta d’o domicilio de diputaus d’o PP ta presionar-los ta que refirmen a la ILP contra os desafucios. Beluns d’istos diputaus, como Esteban González Pons, han denunciau a la PAH por istas accions.

En iste sentiu, Interior tamién anunció ahiere que os politicos que denuncien menazas y acoso por istas accions podrán disposar de vichilancia policial temporal, si se comprueba que i hai coaccions. O Ministerio de l’Interior diz que os achents no actuarán como escoltas soque proporcionarán vichilancia ta que os cargos publicos en qüestión puedan fer vida normal.

Fuent: http://www.vilaweb.cat/noticia/4100103/20130329/interior-ordena-identificar-detenir-qui-faci-escrache-politics.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.