Interpresarios rusos se chuntan en o Pignatelli con Farm Biocontrol

A interpresa aragonesa les presentó dos patents relacionadas con a seguridat alimentaria.

Imachen d'a visita (Foto: D.Ch.A.)

Imachen d’a visita (Foto: D.Ch.A.)

Una colla de 16 interpresarios rusos d’a demba de l’agroalimentación han visitau a siede d’o gubierno ta tener una reunión de treballo con a interpresa aragonesa Farm Biocontrol, especializada en a bioseguridat de alimentación en torres, que dende fa tiempo tien relacions comercials con interpresarios rusos.O director cheneral de Comercio y Artesanía d’o Gubierno d’Aragón, Juan Carlos Trillo, estió l’encargau de recibir a la delegación rusa. “Queremos que conoixcan entidatz como o CITA u Aula Dei, que deseparan tot lo que bi ha dezaga d’as patents que han veniu a conoixer. L’agroindustria ye un sector potent en Aragón y queremos que os interpresarios rusos, instalaus en un gran mercau, conoixcan os nuestros rans de calidat, d’innovación y d’investigación. T’a interpresa aragonesa ye muito important trobar nuevos mercaus y oportunidatz encara que somos conscients de que a internacionalización ye un proceso largo y embolicau”.

As dos patents que os interpresarios aragoneses presentoron a los rusos son relacionadas con o control de malotías d’a piel en os tocins y con o tractamiento de repuis organicos achiquindo os rans d’emisión de CO2.

Fuent: Gubierno d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.