Investigación en Europa por o prochecto d’Alta Tensión por a Ribagorza

A queixa d’os concellos d’a Ribagorza ha plegau ta Europa. As queixas y as preguntas de l’eurodiputau Ramon Tremosa han feito que a Comisión Europeya investigue o prochecto de linia d’alta tensión Penyalba-Isona. A Comisión ha demandau informes a las autoridatz espanyolas ta comprebar si s’ha rispetau a normativa, en especial, a la invasión d’espacios d’a Red Natura 2000 en o prochecto.

Una vegada que os informes espanyols se reciban en a Comisión, se’n valorarán y se ferá cumplir ixa normativa que rispete a legalidat d’espacios protechius. As denuncias y as preguntas de Tremosa van en a linia d’equiparar o nuevo prochecto con a linia Aragón-Cazaril, que ya estió condenada y albandonada.

O prochecto Penyalba-Isona incluye o reemplego de bellas torres d’alta tensión de l’Aragón-Cazaril que no estioron derribadas y o suyo trazau comparte trazau con o viello prochecto, metendo en periglo espacios protechius d’a Ribagorza y a Litera.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.