Investigadors de tot lo mundo asisten t’o simposio sobre l’actividat fisica en ninos y adolescents de Uesca

Bi habrá más de 60 comunicacions, conferencias y mesas redondas entre o chueves y o viernes

cartelMás de 150 participants de tot lo mundo, asistirán t’o Simposium Internacional de “Promoción de l’Actividat fisica en ninos y adolescents”, que se ferá en Uesca os diyas 3 y 4 d’abril. Bellas sisanta comunicacions, cinco conferencias y tres mesas d’expertos se ferán mientres istos diyas, en ista fita que organiza a Colla d’Investigación Educación Fisica y Promoción de l’Actividat Fisica d’a Universidat de Zaragoza, con siede en o Campus de Uesca. O Centro Cultural Palacio Villahermosa, de Ibercaja, ye o puesto trigau ta acullir as sesions, que prencipiarán iste chueves a las 17:30.

O Simposium, que coordinan os profesors Jose Antonio Julián y Eduardo Generelo, preba, d’una man, d’estar un espacio d’intercambio d’experiencias sobre os más recients estudios feitos en ista aria, y de vez, ubrir a posibilidat d’establir nueva linias de treballo y de colaboración entre os investigadors que i participen. 

A tematica d’a trobada, a promoción de l’actividat fisica en a nineza y l’adolescencia, se concarará dende cinco linias d’analís´: a medición de l’actividat fisica, os factors determinants t’a realización d’actividat fisica, a influyencia d’o chenero, os programas d’intervensión ta conseguir que s’incrementa a practica d’actividat fisica y os estudios transculturales en ista aria, en os dos costaus d’o Pirineu.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.