Iran advierte contra un ataque a Siria

Irán advierte que un ataque a Siria sería interpretau como un ataque a Irán

siriaUn ataque a Siria será interpretau como un ataque a Irán, ha advertiu un alto cargo d’o Gubierno iraní citau por a prensa internacional: “Siria tien un papel alazetal, clau, en a rechión ta promover una firme politica de resistencia… Un ataque a Siria, por tanto, sería considerau como un ataque a Irán”, declaró en una entrevista con l’achencia de noticias iraní Mehr l’asesor de l’ayatolá Ali Khamenei, Ali Akbar Velayati.

Os meyos occidentals remeran que Irán ye un aliau clau d’o president sirio Bashar Assad y veye a Damasco como parte d’un eixe d’oposición a la influyencia d’Occident y Israel en Orient Meyo.

L’aviento pasau, Irán presentó o suyo propio plan ta resolver o conflicto en Siria que, seguntes a ONU, s’ha cobrau a lo menos 60.000 victimas dende marzo de 2011. A iniciativa iraní incluye o cese total d’a violencia, a suspensión d’os invíos d’armas ta Siria, a renuncia a una intervención externa, o prencipio d’un amplo dialogo nacional y a celebración d’eleccions lechislativas y presidencials.

Fuent: http://noticies.sirius.cat/2013/01/iran-adverteix-contra-un-atac-siria.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.