Irlanda vive un cabo d’anyo d’o Bloody Sunday tenso

Dos meses d’incidents por a retirada d'o sinyal d'o Reino Uniu d'o concello de Belfast

incidents belfastHue se commemora o 41º cabo d’anyo d’o Bloody Sunday en o Norte d’Irlanda. Ista celebración plega en bell meyo d’un clima tenso en a zona a causa d’a decisión d’o concello de Belfast d’amugar a izada d’o sinyal d’o Reino Uniu d’o concello d’a ciudat a decisiet días sinyalaus.

O concello prenió ista decisión o 3 d’aviento y, dende alavez, quasi i hai incidents cada día en as carreras. S’han atacau qualques siedes politicas d’os prencipals partius nacionalistas, como o Sinn Féin u l’Alliance, y os suyos representants politicos han recibiu menazas y ataques a os suyos domicilios.

Os incidents

Os incidents empecipioron o día d’a votación quan bells unionistas cremoron sinyals irlandeses por o centro de Belfast y, horas mas tarde, dentroron en o concello causando estricallos. Os días venients a exaltación unionista s’espardió por quantos puntos d’o norte d’Irlanda, como Lisburn, Portadown, Armagh, Ballymena u Derry, y por agora, os incidents han rechistrau mas de uitanta policías ferius y quasi o mesmo numero de detenius.

Amás o viernes 18 de chinero a ciudat de Derry vivió una situación tensa, quan s’izoron os sinyals d’o rechimiento de paracayidistas britanicos, os responsables d’o Bloody Sunday.

Fuent: http://www.vilaweb.cat/noticia/4077504/20130127/irlanda-viu-aniversari-bloody-sunday-tens.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.